Omeri niset për shërim jashtë vendit

RajoniPress 19:11, 15 Mars, 2014

/ 2 minuta lexim

Gjilan – Omer Memeti nga Kamenica i diagnostikuar nga një sëmundje malinje dhe i trajtuar në QKUK, fëmijë i moshës rreth trevjeçare pas sugjerimit të mjekëve se duhet të vazhdojë trajtimin jashtë vendit. Omeri sot niset për Gjermani.

Në aeroportin e Prishtinës “Adem Jashari” kishin dalë në pritje shumë të rinj e te reja, vullnetarë që ndihmuan në grumbullimin e mjeteve për shërim, të cilët u përshëndetën me Omerin dhe shprehën dëshirën për shërim sa më të shpejtë ndërsa siç bëhet e ditur nga java e ardhshme fillon trajtimi për shërim të Omerit.

Familja Memeti falënderon gjithë qytetarët e Kosovës, diasporën shqiptare, Kosovën Lindore, mediat dhe gjithë njerëzit e vullnetit të mirë, të rinj e te reja që ndihmuan pa kursim, ku falë jush po bëhet i mundur trajtimi jashtë vendit.

Shuma e kërkuar nga spitali në Gjermani kapë shifrat rreth 350 mije euro, ndërsa pagesa fillestare prej 150 mije Euro është siguruar dhe transferuar andaj bëjmë apel që ndihma të vazhdoi deri në arritjen e plotë të qëllimit tonë të përbashkët, kthimin e buzëqeshjes këtij vogëlushi.