Olivia, 12-vjeçarja më e zgjuar se Ajnshtajn

Në lagjen ku banon në një zonë të Liverpool, është e njohur veçanërisht nga bashkëmoshatarët e saj për ndihmën që u jep në zhvillimin e detyrave.

12-vjeçarja Olivia Manning adhuron sfidat dhe gjërat që e bëjnë të mendojë, raporton noa.al.

Deri këtu nuk ka asgjë të veçantë apo speciale, nëse nuk do të shtonim se para pak ditësh Olivia është bërë pjesë e shoqërisë ndërkombëtare “Mensa”, ku përfshihen persona me koeficient të lartë inteligjence.

Ajo ka arritur të futet në këtë shoqëri, pasi ka kaluar në nivel maksimal testin dhe ka arritur rezultat të mrekullueshëm duke kaluar jo vetëm Ajnshtajn dhe profesorin Stephen Hawking, por është renditur në njerëzit më inteligjentë në botë.

12-vjeçarja nga Britania e Madhe me IQ prej 160 pikësh është konsideruar si personi më i zgjuar sesa Ajnshtajn, i cili ka pasur IQ prej 160 pikësh.

Por gjatë gjithë këtyre viteve, shumë personazhe të njohur si Michelangelo, Newton, apo Leonardo da Vinci, e kanë kaluar këtë nivel inteligjence.

“Shumë njerëz më kërkojnë t’i ndihmojë në zhvillimin e detyrave të shtëpisë. Kjo më duket si sfidë dhe gjithashtu mendoj”, deklaron vajza.

Për momentin Olivia, ka rezultate tepër të larta në mësime, por jo vetëm pasi ajo ka aftësi tepër të veçantë kujtese, kryesisht të numrave dhe teksteve letrare.

Në të njëjtën zonë, vetëm dy vite më parë nga Lauren Gannon, që kaloi suksesshëm testet e inteligjencës duke arritur në 151 pikë.