OKB i “konverton” shqiptarët në serbë

Hysen Boroci bashkë me dhjetëra shqiptarë punojnë në misionet e Organizatës së Kombeve të Bashkuara në Sudan dhe vende tjera në Afrikë por OKB-ja ua mohon atyre të deklarohen si shqiptarë të Kosovës, në bazën e të dhënave të dokumenteve zyrtare. Ata detyrohen që ta zgjedhin si shtet të tyre Serbinë ndërsa nacionalitetin e kanë të obliguar ta deklarojnë si serb.

Boroci ka treguar për “Tribunën” se për këtë çështje janë ankuar deri te Zyra e Sekretarit të OKB-së Ban Ki-Moon në Nju-Jork, por përgjigjja ka qenë negative.

“Unë kam punuar në UNMIK prej pasluftës në Kosovë, ndërsa në prill të vitit 2008 kam shkuar si staf ndërkombëtar i OKB-së në Sudan. Në vitin 2008 mund të regjistroheshim atje si shqiptarë të Jugosllavisë, por në vitet e fundit e kanë ndryshuar edhe këtë dhe na kanë obliguar që të deklarohemi si serbë të Serbisë.

Pra përveç që e kanë hequr Jugosllavinë, nuk e kanë futur fare Kosovën dhe shtetësinë shqiptare apo kosovare”, ka thënë Boroci, i cili punon si teknik elektrik në misionin e OKB-së që quhet UNAMID në Sudan.(Tribuna).

Shpërndaje.
© RAJONIPRESS