Odat do t’i mbrojnë mjekët dhe pacientët

Shkrimet në mediet gjermane për kirurgun shqiptar nga Kçiqi i Mitrovicës, Salih Berisha, kanë bërë që Dhoma Federative e Odës së Mjekëve të Gjermanisë të interesohet për shëndetësinë e Kosovës. Ishin mjekët kosovarë ata që mungonin në takimet e ndryshme të odave të mjekëve evropianë, dhe kjo ishte arsyeja që Oda e Mjekëve të Gjermanisë të kontaktonte kirurgun Berisha.

Kështu, në një bisedë për Tribunën, doktori Berisha tregon se Oda e Mjekëve të Gjermanisë ka luajtur një rol bosht në themelimin e odave të mjekëve të Kosovës, udhëheqësi i të cilës do të zgjidhet të dielën. “Nuk do të thosha se nuk do të ishte krijuar një odë mjekësore në Kosovë pa ndihmën e Odës Mjekësore të Gjermanisë. Por, të paktën dinamika nuk do të kishte qenë kurrsesi kjo”, ka thënë Berisha.

Ai thotë se shëndetësia e Kosovës është në gjendje të krizës së thellë dhe ka defekte të mëdha në sistemin shëndetësor. Por, roli i Odës së mjekëve, sipas tij, do të jetë jashtëzakonisht i madh, por me kusht që t’i qëndrojë besnik vizionit dhe qëllimit të saj…(Tribuna).