O’Connell: S’ka imunitet për politikanët

Ambasadori i Mbretërisë së Bashkuar në Kosovë, Ruairí O’Connell ka thënë se Kosova duhet ta ndalë imunitetin ndaj personave me pozita të larta.

Sipas tij ky lloj imuniteti joformal ndaj politikanëve duhet të ndalet menjëherë.

Këto komente O’Connell i ka bërë në intervistën dhënë gazetës “Zëri”.

“Mendoj se është shumë e rëndësishme që ideja kryesore e pandëshkueshmërisë është supozuar edhe imazhi i drejtësisë së Kosovës që njerëzit me pozita të larta kanë një lloj imuniteti joformal. Kemi pasur rastin, për shembull, ish-kryetari i Komunës së Kaçanikut që është lejuar, edhe pse është dënuar me burg, të ikë dhe është lejuar të jetojë në qetësi, në liri në Suedi. Pra, kjo ka krijuar ide që kanë një lloj imuniteti joformal. Është shumë e rëndësishme që kjo të ndalet menjëherë edhe nëse paditet dikush prej Gjykatës Speciale edhe unë nuk kam asnjë ide se në çfarë drejtimi do të shkojë Gjykata Speciale, por nëse dikush paditet është shumë e rëndësishme që të paraqitet para drejtësisë”, ka deklaruar O’Connell për “Zërin”.