Obama: Kurrë nuk do të jemi në luftë me Islamin

Njëmbëdhjetë vjet më parë, pikërisht më 11 shtator të vitit 2011, Nju Jorku dhe Uashingtoni pësuan tragjedinë më të rëndë në SHBA, vrasjen e tre mijë qytetarëve nga sulmet terroriste me përplasjen e dy aeroplanëve mbi Kullat Binjake në Manhatan dhe një tjetri mbi kompleksin e Pentagonit në Uashington.

Presidenti Barak Obama, me këtë rast ka thënë se është përsëri koha për të kujtuar rreth 3000 burra, gra dhe fëmijë të pafajshëm, të cilët humbën jetën dhe lanë pas familjet e tyre.

“Është një rast për të nderuar guximin e përgjigjes së parë të atyre që rrezikuan jetën në atë ditë, dhe çdo ditë që nga ai vit dhe një mundësi falënderimi për amerikanët, burra e gra në uniformë, të cilët kanë shërbyer dhe sakrifikuar për të mbajtur të sigurt vendin tonë”, tha Presidenti Obama.

Ai më tej pohoi se SHBA-të i shpallën luftë AlKaidës, duke asgjësuar udhëheqjen e saj, dhe e futën atë në rrugën e mposhtjes.

“Dhe në sajë të guximit dhe aftësisë së personelit tonë të zbulimit dhe forcave të armatosura, Osamabin Laden kurrë nuk do të kërcënojë Amerikën përsëri”, tha Obama dhe shtoi se amerikanët i kanë rezistuar tundimit për të rënë në mosbesim dhe dyshim.

“Ne kurrë nuk do të jemi në luftë me Islamin, apo ndonjë fe tjetër. Ne jemi Shtetet e Bashkuara të Amerikës. Liria jonë dhe diversiteti na bëjnë unik dhe kjo gjithmonë do të jetë në qendër, se kush jemi si popull”, ka vlerësuar Obama.