Nxënëset e shkollës “Nazim Hikmet” në Dobërqan befasojnë në garat e kimisë

Gjilan – Në garën finale që është mbajtur më 6 prill 2013 , nxënëset e shkollës fillore “Nazim Hikmet” në Dobërqan kanë thyer rekordet e deritanishme në garat që organizon ky kolegj. Agnesa Namon Abdyli zuri vendin e parë, dhe është shpërblyer me medalje ta artë dhe 350 euro, kurse Elira Ekrem Kryeziu, ka zënë vendin e tretë dhe është shpërblyer me medalje të bronztë dhe me 200 euro tha arsimtari Rexhep Arifi.

Nxënëset e shkollës fillore “Nazim Hikmet” nga Dobërqani kanë befasuar për të mirë në garat e organizuara nga Kolegji turk “Mehmet Akif” që janë mbajtur në lëndën e kimisë.

Rexhep Arifi arsimtarë i historisë dhe edukatës qytetare në Shkollën e Dobërqanit “Nazim Hikmet” tha për rajonipress se gara e parë është mbajtur më 30 mars 2013 dhe nxënëset e shkollës tonë në nivel të Kosovës kanë treguar këto rezultate në lëndën e Kimisë: Vendin e parë : Agnesa Namon Abdyli , vendi i parë në nivel Kosove, vendin e shtatë: Elira Ekrem Kryeziu, vendin e shtatë në nivel Kosove.

Ndërsa në garën finale që është mbajtur më 6 prill 2013 , nxënëset tona kanë thyer rekordet e deritanishme në garat që organizon ky kolegj. Agnesa Namon Abdyli zuri vendin e parë, dhe është shpërblyer me medalje ta artë dhe 350 euro, kurse Elira Ekrem Kryeziu, ka zënë vendin e tretë dhe është shpërblyer me medalje të bronztë dhe me 200 euro.

Rexhep Arifi tha se ky sukses kaq i madh është rezultat i punës se palodhshme të arsimtarit Ilir Kastrati, master i shkencave të kimisë dhe i drejtorit të shkollës prof. Fadil Shabani – kimist./rajonipress/