Nuk ndalet Sokoli, fillon asfaltimin e rrugëve nëpër fshatra

Viti – Kanë filluar punimet në asfaltimin e rrugës “Lisi i Haxhisë” në Sadovinë të Jerlive dhe në Sllatinë të Poshtme.

Në Sadovinën e Jerlive filluan punimet parapërgatitore në asfaltimin e rrugës “Lisi i Haxhisë”.

Me këtë rast Kryetari i Komunës së Vitisë, Sokol Haliti me bashkëpunëtor por edhe banorë të këtij lokaliteti kanë qenë të pranishëm në fillimin e këtyre punimeve.

Banorët e këtij lokaliteti e falënderuan kryetarin Haliti duke potencuar se asfaltimi i kësaj rruge është i rëndësishëm për ta.

Kurse Kryetari Haliti tha se kjo komunë mbetet e përkushtuar që të realizoj projekte në interes të qytetarëve të saj dhe atë në të gjitha lokalitetet.

Në Sllatinë të Poshtme filluan punimet në asfaltimin e rrugës “Gjelbina”

Sot në fshatin Sllatinë të Poshtme të Vitisë, kanë filluar punimet përgatitore në asfaltimin e rrugës “Gjelbina”, rrugë kjo e cila gjendet në afërsi të shkollës së këtij lokaliteti.

Kryetari i komunës së Vitisë, Sokol Haliti me bashkëpunëtor ka qenë i pranishëm me rastin e fillimit të këtyre punimeve ku edhe u prit nga banorët e këtij lokaliteti të cilët u shprehën të kënaqur për fillimin e punimeve në ndërtimin e kësaj rruge për siç thanë ata shumë të rëndësishëm./rajonipress/