Nuk ndalet Ruhan Kurteshi me kërkesa

Gjilan – Sipas Ruhan Kurteshit jeta e qytetarëve në këtë fshat është bërë e rënd në mungesë të rrugës. Kërkojmë nga ju që urgjentisht të hartoni projektin dhe të filloni me asfaltimin e rrugëve që qojnë nëpër lagjet e fshatit Selishtë ka thënë Kurteshi koordinator i Iniciativës Qytetare në Zhegër (IQZH) në kërkesën e tij drejtuar udhëheqje komunale dhe zyrës së projekteve.

Ruhan Kurteshi nuk e ka ndërmend të ndalet me kërkesat e tij adresuar pushtetit komunal. Ai është shumë aktiv dhe shpreson që kërkesat e tij të arrijnë në adresën e duhur. Ai së fundit po kërkon asfaltimin e rrugës Zhegër – Selishtë.

Në arsyetimin e tij thuhet se gjatë këtyre viteve si pasojë e mungesës së rrugëve për fshatin Selishtë, respektivisht të tri lagjeve të këtij fshati ka pasur shpërngulje të këtyre lagjeve. Tendenca e shpërnguljes edhe sot e kësaj dite është aktuale posaçërisht për shkak të gjendjes shumë të keqe të rrugës Zhegër – Selishtë.

Sidomos gjatë stinës së dimrit kjo rrugë është e pakalueshme. Për çdo ditë nëpër këtë rrugë me gjatësi 4 km vështirë të kalueshme , udhëtojnë me dhjetëra nxënës për në shkollën “Agim Ramadani” në Zhegër, në paralelet e ndara në Haxhaj dhe shkollat e mesme ka shkuar në kërkesën e tij Ruhan Kurteshi dërguar Fadil Osmanit menaxher në zyrën e projekteve.

Sipas Kurteshit jeta e qytetarëve në këtë fshat është bërë e rënd në mungesë të rrugës. “Kërkojmë nga ju që urgjentisht të hartoni projektin dhe të filloni me asfaltimin e rrugëve që qojnë nëpër lagjet e fshatit Selishtë” ka thënë Kurteshi koordinator i Iniciativës Qytetare në Zhegër (IQZH)./rajonipress/