Nuk lëvizin nga pozicionet

Presidentja Atifete Jahjaga, ka takuar sërish të mërkurën partitë më të mëdha politike të përfaqësuara në Kuvend dhe më pas ka ardhur te konkluzioni se i duhen edhe konsultime shtesë deri te gjetja e një zgjidhjeje për postin e kryetarit të Kuvendit.

Dy blloqet politike, ai i PDK-së në njërën anë dhe koalicioni LDK, AAK, Nisma dhe Vetëvendosje në anën tjetër, nuk kanë lëvizur nga pozicionet fillestare. Të dyja blloqet synojnë të marrin postin e kryetarit të Kuvendit. Mirëpo synimi i PDK-së mund të dështojë për mungesë votash.

Kurse ai i bllokut LDK, AAK, Nisma dhe Vetëvendosje, gati se është bërë i parealizueshëm dhe këtë ia ka bërë me dije edhe kryetari i Gjykatës Kushtetuese, Enver Hasani i cili ka sqaruar se posti i kryetarit të Kuvendit i takon grupit më të madh parlamentar që ka dalë nga zgjedhjet.

Në përpjekje që të gjendet një zgjidhje mesi, presidentja Atifete Jahjaga, ka pritur fillimisht delegacionin e PDK-së e më pas atë të koalicionit LAN dhe VV…(Tribuna)