Nuk ka para për gjobën, hyn vullnetarisht në burg kosovari!

Një shtetas kosovar i moshës 27 vjeçare në Koblenz të Gjermanisë është paraqitur vullnetarisht për të vuajtur dënimin me burg. Një gjykatë e këtij qyteti i kishte shqiptuar atij një dënim me gjobë prej 1000 eurosh pasi që ishte kapur disa herë radhazi duke udhëtuar me automjetet publike të qytetit në të zezë (pa biletë).

Pasi që nuk kishte mundësi të paguante këtë shumë, ai kishte zgjedhur rrugën më të shkurtë: ishte paraqitur në pikën më të afërme të policisë, në stacionin hekurudhor, thuhet në njoftim të policisë federale të Gjermanisë, të transmetuar nga ots.de.

Aty ai e kishte dorëzuar vendimin e gjykatës dhe kishte shprehur “dëshirën” që të shkojë në burg. Ndërsa policët ia plotësuan kërkesën dhe e përcollën në burgun e Koblenzit. Si zëvendësim për 1000 eurot e munguara, kosovari duhet të mbajë dënimin prej 100 ditësh burg./albinfo.ch/