Nuk e harron zanatin e vjetër, arrestohet për herë të dytë një gjilanas

Gjilan – Më dt. 19.05.2017 nga Drejtori i Qendrës së Testimit për patentë shofer në Gjilan, është iniciuar rasti i mashtrim në bashkëpunim të ngushtë me njësitin për Hetimin e Krimeve Ekonomike dhe Korrupsionit ku është punuar me qëllim të sigurimit, dëshmive, provave dhe kapjen e kryesve të inkriminuar në këtë vepër penale, lidhur me këtë rast deri më tani janë arrestuar gjashtë persona të dyshuar.

Në vazhdën e hetimeve disa mujore më datën 28.08.2017 është arrestuar personi i dyshuar për herë të dytë L.P. edhe pse i njëjti ishte arrestuar edhe më herët më 11.07.2017, për të njëjtin rast, mirëpo pasi është liruar nga qendra e ndalimit i dyshuari prapë ka vazhduar dhe ka përsëritur veprën penale si bashkë kryes i veprës penale të “Mashtrimit” , ku i ka ndihmuar të dyshuarin B.A. në vendosjen e pajisjeve elektronike (mikrokamerave) kandidatëve që ju kanë nënshtruar testit teorik për patentë shofer dhe dyshohet se kanë përvetësuar shumën prej 300 eurove, për t’ia kryer patentë shoferin personit I.S.

Pas intervistimit të dëshmitarëve dhe sigurimit të dëshmive, policia ka arrestuar për herë të dytë të dyshuarin e lartshënuar dhe me Aktvendim të prokurorit është dërguar në mbajtje për 48 orë.

Rasti në fjalë është duke u hetuar nga NJHRKEK në Gjilan ku dyshohet se mundë të ketë edhe persona të tjerë të cilët janë të inkriminuar në veprën penale të lartshënuar njoftoj Shaban Azizi./rajonipress/