Nuhiu, drejt Kombëtares shqiptare

Kombëtares së Shqipërisë në një të ardhme të afër pritet t’i shtohet edhe një tjetër futbollist kosovar. Fjala është për sulmuesin e skuadrës angleze Sheffield Wednesday, Atdhe Nuhiu. Madje, futbollisti shtatlartë tashmë i ka nis procedurat për t’u pajisur me pasaportë shqiptare.

“Atdheu është duke e kompletuar dokumentacionin e nevojshëm për pajisje me nënshtetësi shqiptare. Besoj se shumë shpejtë edhe do të filloj proceduar për pajisje me pasaportë”, citohet nga portali Express të ketë thënë zëdhënësi i Federatës Shqiptare të Futbollit (FSHF), Lirim Zhalla.

Vetë Nuhiu e pati shpreh gatishmërinë e tij për ta vesh fanellën kuq e zi, ngase deri më tani ai ka luajtur vetëm për ekipet U-19, U-20 dhe U-21 të Austrisë. Duhet theksuar se para Sheffield Wednesday, Nuhiu pati luajtur edhe për këto ekipe: Austria Karnten, Ried, Rapid Wien dhe Eskisehirspor.