Nuhiu debuton me gol në “Championship”
RajoniPress
00:10, 4 Gusht, 2013
Sulmuesi kosovar Atdhe Nuhiu ka debutuar me gol në kategorinë e dytë angleze, të njohur si “Championship”. Ai shënoi golin e avantazhit për skuadrën e Sheffield Wednesday, që më pas humbi 2:1 nga QPR-ja.
Sulmuesi shtatlartë golin e shënoi në minutën e 19-të, derisa u zëvendësua në minutën e 77-të. Nuhiu, 24-vjeçar, që para disa ditësh firmosi kontratë me Sheffieldin, u vlerësua lart nga mediumet angleze për lojën që e zhvilloi.
Ai me Sheffieldin ka kontratë deri në vitin 2016. Ndeshja e luajtur të shtunën i takonte xhiros së parë. Ndërkohë te Ipswich Town që humbi 2:1 nga Readingu në stol qëndroi mbrojtësi Frederic Veseli.
