Nudo kundër plagjiaturës së librave

Për të protestuar ndaj plagjiaturës së librave, shkrimtarja braziliane Vanessa de Oliveira ka vendosur të përdorë trupin e saj duke dalë gjysmë-nudo në një fushatë sensibilizimi mbi piraterinë editoriale.

Vanessa është bërë e njohur kohët e fundit në faqet e gazetave pasi është zhveshur edhe para selisë së qeverisë së Perusë në Lima. Shkrimtarja, një ish-prostitutë, kishte zbuluar se një nga gjashtë veprat e saj ishte shitur në mënyrë klandestine në disa nga kioskat e kryeqytetit peruan.

Këtë radhë Vanessa de Oliveira do të zhvishet ditën e diel në një librari të Bulevardit Paulista, më i rëndësishmi i San Paolos.

“Do të kem në trup vetëm të mbathurat për të ndërgjegjësuar njerëzit. Gjithashtu më pëlqen të rri e zhveshur. Shumicën e librave e kam shkruar nudo në fakt”, ka thënë shkrimtarja braziliane.