Novegjia i dorëzon Zvicrës vasësin e Vigan Morinës

Shivan M. të mërkurën është marrë për herë të parë në pyetje nga prokuroria e Cyrihut.

Është kryer ekstradimi nga Norvegjia i personit të dyshuar për vrasjen e të riut shqiptar Vigan Morina.

Siç ishte paralajmëruar tash sa kohë, autoritetet norvegjeze kishin marrë vendimin për ekstradim, të cilin edhe e kanë realizuar këtë të martë. Këtë lajm e konfirmon prokuroria e përgjithshme e Cyrihut në një komunikatë për medie të publikuar sot. Ajo njofton po ashtu se Shivan M. të mërkurën është marrë për herë të parë në pyetje.

Për shkaqe që lidhen me hetimet, prokuroria nuk ka dhënë hollësi të tjera lidhur me rastin, shkruan sda.

Shivan M, një kurd 23 vjeç me prejardhje nga Iraku, është i dyshuari i vetëm për vrasjen e rëndë që pati ndodhur më 15 korrik para lokalit të njohur të Cyrihut Kaufleute. Menjëherë pas vrasjes ai ishte arratisur në Norvegji, ku ishte arrestuar pas dy javësh.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).