Njehsorët elektrikë, Rizvanolli: S’e kam shprehi të jap deklarata rrugës

Ministrja e Ekonomisë, Artane Rizvanolli tha se çështja e njehsorëve elektrikë nuk i takon ministrisë që ajo udhëheq.

Ajo, madje iu drejtua gazetarëve duke thënë se nuk e ka shprehi siç tha ajo të japë deklarata rrugës duke e ndjekur.

“A i keni parasysh kompetencat e Ministrisë së Ekonomisë edhe ministrive të tjera? Është një çështje për të cilën është duke u folur që disa javë tashmë. Gjithashtu duhet ta keni parasysh që nuk e kam shprehi të jap deklarata kështu rrugës nëse më ndiqni. Nëse keni nevojë për me sqaru diçka në lidhje me çështjet që i përkasin fushëveprimit të ministrisë, kompetencave të Ministrisë së Ekonomisë, mund të organizojmë qoftë intervistë, ose mund të dërgoni pyetje, ose mund të organizojmë edhe një konferencë për media. Po çështja të cilën e ngritet nuk i përket fushëveprimit të ministrisë tonë, rrjedhimisht duhet të drejtoheni tek ministria përkatëse, rregullatori dhe operatorët”, tha Rizvanolli. /EO