Një tjetër e përdhunuar gjatë luftës del hapur, Shyhrete Sylejmani kërkon drejtësi

Shyhrete Tahiri-Sylejmani nga Gjilani, është viktima e dytë e dhunës seksuale gjatë luftës në Kosovë që ka dalë publikisht për të kërkuar drejtësi.

E mbijetuara e dhunës seksuale gjatë luftës së fundit në Kosovës Shyhrete Tahiri-Sylejmani ka dorëzuar sot kallëzim penal në Prokurorinë Speciale të Kosovës për të kërkuar drejtësi për atë që i ka ndodhur.

“Sot jam këtu të ndaj me ju dhembjen që kam në shpirt. Përfaqësoj të gjitha nënat, vëllezërit dhe bijat që ndjejnë atë dhembje që kanë. S’është e lehtë. Jam këtu të kërkoj drejtësi”, u shpreh ajo, raporton kp.

Kurse drejtoresha e Qendrës Kosovare Për Rehabilitimin e të Mbijetuarve të Torturës (QKRMT), Feride Rushiti kujtoi se si as 20 vjet pas luftës, askush nuk është dënuar për krimet e luftës.

Ajo ftoi institucionet e vendit që të kenë prioritet të tyre këtë çështje.

Shyhrete Tahiri-Sylejmani që është nga Gjilani bëhet viktima e dytë pas Vasfije Krasniqit-Goodman që kërkon publikisht të dënohen dhunuesit e saj.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).