Një muaj arrest shtëpiak për Elez Elezin

Gjilan – Me propozimin e Prokurorisë Komunale në Gjilan, gjykatësi i procedurës paraprake Afrim Shala i ka caktuar masën e arrestit shtëpiak prej një muaji dr.Elez Elezit.

Gjykata Komunale i ka vendosur një muaj arrestin shtëpiak mjekut Elez Elezit i dyshuar për ryshfet. Këtë masë e ka caktuar gjykatësi i procedurës paraprake Afrim Shala, duke u bazuar në kërkesën e prokurorisë Komunale.

Hetimet e policisë kishin ardhur në përfundimin se i dyshuari kishte lëshuar së paku tri raporte specialistike ,një pacientes për dy djemtë e saj, të cilët nuk ishin kontrolluar fare dhe nuk ishin prezentë në ambulancën specialistike të Spitalit rajonal në Gjilan.

Raportet pacientes i nevojiteshin për përfitimin e ndihmës sociale dhe besohet se e njëjta qe dy vite me radhë i kishte marr raportet nga i dyshuari ku për secilin rast veç e veç i dyshimti i kishte marr tё holla për lëshimin e raporteve,në vlerë të 30 €.

Pas kontrollimit që është bërë tek i dyshuari nё vendin e tij tё punës janë gjetur dhe janë konfiskuar 30 € tё cilat ja kishte marr pacientes pёr përfitim personal thuhet në kallëzimin penal të policisë.

Masën e arrestit shtëpiak për doktor Elez Elezin për Rajonipress e ka konfirmuar avokati mbrojtës Bajram Kadriu./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).