FITORJA

Një litar kambane

/ 2 minuta lexim
Eco Higjiena

Nga Meti Rexhepi

Mobi Casa

avujt që lëshoje nga brendia
diku do t`i hidhte ekologjia
prej nga i ardhkan teshtimat
neurozat vetëtimat shkreptimat
*
fjalamanët përmbysnin kontejnerët e mendjes tyre
u rrëshqitnin në gracka përgojimesh duke shtuar stoqe inerte
bridhje së toku dhe kundërmimin ua tumirje
shqisat e ndjenjës kishin njëjtësuar shije
*
avujt e afsheve të reve
dolën pas lëpirjes së një rrëkeje
prore i ndiqte anarkia e erës
ç`t`i bësh asaj breshërime mbi vellon e nuses të verës
*
çlirimi u gjykua si ngjarje anarkike
do t`u shpërthejë pezmi dhuntive instinkte
se si i ngrehje ledhet për atë tjetrin
mes gjembash zilie vishje vetveten
*
të panumërta mësymjet ambicie
e ngushtuar hapësira kozmike
lajthitesh të zgjerosh ngastrën tënde kadastrale
në hapësirën e kaltër të përbindëshave
*
shtrënguar nga graviteti
të shtrembërohet fytyra në mijëra ngërdheshje
e pamasë gjithësia orbitat shtrijnë kufij
rrezet me duar të nxehta gatuajnë epshe
*
nuk mbaheshin dhe u binte pesha
çfarë t`u mbetej pos derdhjes së ndjenjave
puthjes së deteve dhe të vjella
mbi lumenj të vizatuar pa rrjedha
*
për t`i vënë frerin stuhisë
asaj përmase vigane
ti shpirt militarist je fare i brishtë
të mbeti në dorë veçse një litar kambane

Privatësia

Faqja jonë e internetit përdorë cookies. Ato janë skedar të vegjël që ndërveprojnë me pajisjen tuaj dhe kjo bëhet në mënyrë që ne t'ju ofrojmë përvojën më të mirë të mundshme gjatë përdorimit të faqes sonë.

Për të u informuar rreth politikave tona të privatësisë, ju lutem vizitoni faqen privatësia.

Cookiet e domosdoshëm

Cookiet e nevojshëm duhet të aktivizohet në çdo kohë në mënyrë që ne të mund të ruajmë preferencat tuaja për preferencat e cookies.

Nëse e çaktivizoni këtë cookie, ne nuk do të jemi në gjendje t'i ruajmë preferencat tuaja.

Cookies të palëve të treta

Kjo faqe interneti përdorë Google Analytics për të mbledhur informacione anonime si numri i vizitorëve në sajt dhe shfletimi i faqeve.

Mbajtja e aktivizuar e këtij cookie, na ndihmon neve të përmirësojmë faqen tonë në internet.