Një këngë për flamurin

Dyshja e këngëtarëve, Shkodran Tolaj dhe Besiana Mehmeti, që janë të fejuar, pritet që së shpejti të vijnë në Kosovë me një këngë për flamurin, e cila do të jepet premierë më 28 nëntor të këtij viti.

Këngëtari Shkodran Tolaj ka filluar që të jetë shumë më shpesh i pranishëm në mediat tona.

Këngëtari tashmë pritet që të zhvendoset madje edhe të jetojë në Prishtinë, përderisa ai është i fejuar bashkë me këngëtaren, tashmë të njohur në skenën tonë, Besiana Mehmedi.

Çifti, që janë të fejuar, pritet që të paraqiten edhe në disa koncerte dhe aktivitete bashkë.

“Projekti i fundit i përbashkët është një këngë, e cila se shpejti do të xhirohet si videoklip.

Ne do të jemi të pranishëm në një festival të organizuar nga RTK-ja, ku bashkë me Besianën do të këndojmë edhe një këngë për flamurin, e cila është punuar nga mjeshtri i madh i skenës, Naim Gjoshi- kompozitor i shumë këngëve patriotike”, tha Shkodran Tolaj për Express.

Para kësaj kënge, në ditën e çlirimit të Pejës, po me të njëjtin kompozitor, me tekst nga Mentor Thaqi e orkestrim nga Xhevdet Gashi, Shkodrani dhe Besiana kanë kënduar një këngë për 100-vjetorin e shpalljes se Pavarësisë, dedikuar qytetit të Pejës.

Kjo këngë është kënduar në bashkëpunim me dhjetë këngëtarë që kanë qenë: Ramadan Krasniqi Dani, Shaindere Berlajolli, Energy Band, Besa Berberi etj…

“Kjo këngë është punuar në formë të një himni me të gjitha elementet e zhanreve muzikore dhe është mirëpritur nga publiku”, tha Tolaj.(express)

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).