Një delegacion nga SHBA vizitojnë Gjykatën Themelore të Gjilanit

Gjilan – Ushtruesi i Detyrës së Kryetarit të Gjykatës Themelore të Gjilanit, Afrim Shala ka pritur në një takim njoftues një delegacion nga Shtetet e Bashkuara të Amerikës, ku temë e diskutimit ishte puna në gjykatë dhe lufta kundër trafikimit me qenie njerëzore.

Afrim Shala njoftoj delegacionin që numrin e rasteve të trafikimit me qenie njerëzore në rajonin e Gjilanit që është në rënie.

Kjo vizitë e delegacionit nga Shtetet e Bashkuara të Amerikës është mundësuar nga Open World Leadership Program, që është një program i financuar nga ShBA, për mundësi të shkëmbimit të përvojave, nga temat e ndryshme të ndërlidhura me mbrojtje dhe siguri të nivelit shtetëror, si dhe të përfaqësuar nga delegacionet përkatëse nga e gjithë bota thuhet në njoftimin e Sabit Shkodrës zëdhënës i Gjykatës në Gjilan./rajonipress/