Një delegacion nga Antalia viziton komunën e Kamenicës
RajoniPress
11:47, 4 Qershor, 2013
Gjilan – Kryetari i komunës së Kamenicës, Shaip Surdulli, Drejtoresha e Drejtorisë së Arsimit Fahrije Kryeziu, drejtori i Gjimnazit, Nexhat Rexha, dhe përfaqësues të tjerë, të hënën kanë pritur një delegacion të shkollës së Mesme të Gjimnazit “ Murat Pasha” nga Antalia.
Vizita ka pasur si qëllim njohjen e procesit mësimor në komunën e Kamenicës, përkatësisht në Shkollën e Mesme të Gjimnazit “ Ismail Qemali”.
Në këtë delegacion përveç gjashtë profesorëve, të pranishëm janë edhe 11 nxënës. Delegacioni nga Antalia, do të qëndrojë katër ditë në komunën e Kamenicës.
Ndryshe, Shkolla e Mesme e Gjimnazit “ Ismail Qemali” nga Kamenica dhe ajo e “ Murat Pashës “ nga Antalia, kanë bërë binjakëzimin mes veti që nga 21 marsi i këtij viti./rajonipress/
