Një armë zjarri me fishekë në Novobërdë dhe mbi 9 gramë marihuanë në Viti

Gjilan – Gjatë kontrollit në shtëpinë e një të dyshuari në fshatin Makresh i Epërm të Novobërdës, policia ka gjetur dhe konfiskuar një armë zjarri me katër fishekë.

Rasti është raportuar më 21 tetor 2026, rreth orës 10:00. Sipas raportit policor, nuk ka persona të arrestuar, ndërsa për rastin është njoftuar prokurori kompetent.

Në Viti kapet një person me mbi 9 gramë marihuanë

Njësia për Hetimin e Narkotikëve ka ndaluar një veturë në rrugën “Lidhja e Prizrenit” në Viti, ku gjatë kontrollit ka gjetur rreth 9.22 gramë substancë të dyshuar si marihuanë.

Rasti ka ndodhur më 21 tetor 2026, rreth orës 21:10. Me urdhër të prokurorit, i dyshuari është intervistuar dhe më pas është liruar në procedurë të rregullt./rajonipress/