Nishani: Asociacioni dhe Demarkacioni të zgjidhen me maturi politike

Presidenti i Shqipërisë, Bujar Nishani, duke komentuar zhvillimet politike në Kosovë, ka theksuar se është shumë e rëndësishme që progresi i bërë deri tani nuk duhet të pengohet nga lufta politike.

“Trajtimi i çështjeve shumë madhore për të ardhmen e Kosovës, si ato të Asociacionit të komunave me shumicë serbe si dhe të Demarkacionit kufitar me vendet fqinje, duhet të trajtohen nga ekspertët e të zgjidhen me maturi politike e qasje të përshtatshme juridike”, ka thënë presidenti Nishani dje gjatë takimit që ka pasur me kryetarin e Prishtinës, Shpend Ahmeti, shkruan “Epoka e re”.

Presidentja Atifete Jahjaga ka themeluar të martën Komisionin ad hoc të ekspertëve ndërkombëtarë për ta vlerësuar procesin e shënimit të vijës kufitare të Kosovës me Malin e Zi. Jahjaga u ka bërë thirrje subjekteve politike, institucioneve dhe qytetarëve, të bashkëpunojnë me ekspertët për t’i mundësuar komisionit një vlerësim të saktë për procesin e demarkacionit.

Kurse, kryeministri, Isa Mustafa, ka thënë se Asociacioni do të themelohet në përputhje me Kushtetutën e Kosovës.