Nis gjykimi ndaj grupit të trafikantëve shqiptaro – serb

Gjilan – Në Gjykatën Themelore të Gjilanit ka nisur gjykimi ndaj grupit të trafikantëve shqiptaro serb. Për shkak të palëve të dëmtuara ky gjykim po mbahet pa pranin e publikut dhe medias.

Në Gjykatën Themelore në Gjilan ka nisur procesi gjyqësor ndaj një grupi të përbashkët shqiptaro serb të akuzuar për veprën penale “trafikimi me qenie njerëzore”.

Kryetari i trupit gjykues Hasan Sadiku qysh në seancën e parë ka urdhëruar që gjykimi të jetë i mbyllur për publikun dhe medien për shkak të ruajtjes së identitetit të viktimës.

Megjithatë rajonipress mëson se të akuzuarit Sava Ivkoviq nga fshati Strazhë e Novobërdës, Nenad Vasiq nga Gornji Makresh i Novobërdës, Xhemshit Arifi nga Prishtina dhe Lubinko Andrijeviq do të përballen me dëshmitarët dhe provat e gjetura ndaj tyre.

Aktakuza e ngritur nga prokuroria Themelore e Gjilanit i akuzon grupin se në mënyrë sistematike e kanë trafikuar të dëmtuarën shqiptare D.B. , gjatë periudhës 20 qershor 2012.

Grupi sipas aktakuzës si bashkë ekzekutor kanë marrë pjesë në tregti me njerëz. Xhymshit Arifi i ka premtuar martesë viktimës D.B., por në fakt ajo në Gjilan u është sjellur serbëve Nenad Vasiq, Sava Ivkoviq dhe Lubinko Andrijeviq.

Në seancën e parë viktima D.B. më shumë e ka akuzuar Lubinko Andrijeviqin. Në këtë proces gjyqësor pritet të dëshmojnë edhe tre dëshmitarë dhe pritet të dëgjohen fjalët e të akuzuarve të cilët qysh në start e kanë mohuar veprën penale./rajonipress/