Nis “gjuetia” për dopinguesit pa nisur Olimpiada

Londër – Para së të shkrepë pistoleta e startit apo të ndahet ndonjë medalje, njëra prej ngjarjeve më të rëndësishme të Lojërave Olimpike “Londra 2012”, por që për të nuk ndahet medalje, ka nisur në prapaskenë.Nga kampet stërvitore në mbarë botën, dhomat e atletëve në Fshatin Olimpik e deri të pikat kufitare të kontrollimit në Britani të Madhe, punëtorët antidoping po veprojnë me orar të plotë në kërkim të mashtruesve.

Synimi është i thjeshtë: të zbulohet apo të zihet ndonjë atlet me doping para se të dalë në gara.

Ata që do të marrin pjesë në Olimpiadë, do të përballen me programin në të vështirë të antidopingut në histori të këtyre lojërave, me shumë testime dhe me laboratorë të fjalës së fundit.

“Sa më shumë atletë të dopinguar që të kapim aq më mirë do të jetë. Me këtë, do të bëjmë me dije se e duam një Olimpiadë shumë të pastër nga dopingu”, ka thënë presidenti i Komitetit Olimpik Ndërkombëtar (IOC), Jacques Rogge.