Nikçi, për 700 000 euro në Hannover 96
Hannover – Futbollisti Adrian Nikçi, i cili deri në sezonin që përfundoi ka luajtur për FC Zürich, ka nënshkruar sot me skuadrën e bundesligës gjermane Hannover 96. Këtë e ka konfirmuar edhe menaxheri i i FCZ, Fredy Bickel.
Shuma që gjermanët e kanë paguar për lojtarin sulmues anësor është 700 mijë euro, njoftojnë mediet gjermane dhe ato zvicerane, transmeton portali albinfo.
Adrian Nikçi, 22 vjeçar, nuk ka udhëtuar sot me tashmë ish-skuadrën e tij FC Zürich në kampin e stërvitjeve, për faktin se ai tashmë është shitur në Gjermani.
Nikçi ka nënshkruar një kontratë trevjeçare për shumën e përmendur, që e obligon deri në vitin 2015.