Nikçi e sheh të ardhmen te Hannoveri

Mesfushori kosovar Adrian Nikçi nuk e ka ndërmend të largohet nga Hannoveri, skuadër kjo në të cilën edicionin e kaluar luajti shumë pak. Nikçi 23-vjeçar edicionin e kaluar luajti pak pasi pati probleme me lëndime dhe sëmurje të shpeshta.

Probleme për Nikçin mund të ketë edhe edicionin e ardhshëm, por jo për shkak të shëndetit, por për arsye se skuadra e Bundesligës 1 të Gjermanisë ka angazhuar lojtar të rinj në mesfushë. “Kam pasur një bisedë të gjatë me agjentin e Nikçit.

Adriani dëshiron me çdo kusht që shfrytëzojë rastin të ne dhe të dëshmojë se është i vlefshëm”, ka thënë për mediumet gjermane drejtori sportiv i Hannoverit Dirk Dufner.