Nga Stublla mbështetet ideja e bashkimit të trojeve shqiptare

Gjilan – Gjithashtu u nënshkrua një deklaratë e përbashkët e gjithë përfaqësuesve të viseve shqiptare me të cilën mbështet ideja e bashkimit të të gjitha trojeve shqiptare.

Në Stubëll të Epërme të komunës së Vitisë, është mbajtur Manifestimi tradicional kulturor-shkencor Takimet e Dom Mikelit, që i kushtohen shkollës së parë shqipe në Kosovë me mësues Dom Mikel Tarabulluzin.

Me këtë rast u mbajt një Akademi shkencore me temën: “Shqiptarët 100 vjet pas Pavarësisë”, si dhe u zhvillua ceremonia e bekimit të flamurit që u bë nga dy klerikët fetar ai katolik dhe mysliman. Gjithashtu u nënshkrua një deklaratë e përbashkët e gjithë përfaqësuesve të viseve shqiptare me të cilën mbështet ideja e bashkimit të të gjitha trojeve shqiptare.

Hapjen e këtij manifestimi e bëri kryetari i komunës Nexhmedin Arifi, i cili foli për rëndësinë e shkollës shqipe të hapur në Stubëll dhe sakrificën e popullit shqiptar ndër shekuj për të mbrojtur arsimin shqip në Kosovë.

Ndërsa në Akademinë shkencore me temë shqiptarët 100 vjet pas pavarësisë, ambasadori i Shqipërisë Islam Lauka theksoi Shqipëria dhe shqiptarët i kanë dhënë vlerë Evropës me mbi tolerancën fetare.

Me kumtesa u paraqitën edhe Mehmet Bardhi përfaqësues i shqiptarëve të Malit të Zi, Anton Çuni në emër të Brigadës 138 Agim Ramadani, etj.

Pas tribunës shkencore, është zhvilluar ceremonia e bekimit të flamurit kombëtar nga Imzot Dodë Gjergji dhe krye imami i Vitisë Fehim Abazi. Me rastin e jubileut të 100 vjetorit të pavarësisë së Shqipërisë, në këtë manifestim u nënshkrua një deklaratë e përbashkët e nga përfaqësuesit dhe personalitetet publike të viseve shqiptare, e cila mbështet idenë për bashkimin e gjitha trojeve shqiptare.

Gjithashtu, është zbuluar një flamur kombëtar gjigant në kodrën e quajtur Stubllavaqa të cilin enkas për këtë manifestim e ka dhuruar familja e komandantit legjendar Adem Jashari. Në pjesën e dytë të këtij manifestimi, u mbajt ora e madhe letrare, si dhe u shfaq një program kulturo artistik./rajonipress/