Nga Gjilani sivjet 51 haxhinjë vizitojnë Meken dhe Medinën

Gjilan – Në Xhaminë e Madhe në Gjilan të shtunën para namazit të drekës u mbajt takimi me haxhinjët e rinjë që sivjet do e vizitojnë Qaben (Meken) dhe të kryejnë shartin e pestë të islamit-Haxhin. Sivjet nga territori i komunës së Gjilanit vendet e shenjta -Meken dhe Medinën e vizitojnë 51 haxhinjë.

Solemnitet të këtilla në prani të shumë besimtarëve islam mbahen vetëm një here në vit kur edhe shkojnë haxhinjët në vendet e shenjta.

Takimi u organizua nga Këshilli i Bashkësisë Islame të Gjilanit, meqë rast kryeimami Mulla Ilaz ef. Mustafa i përshëndeti dhe iu uroi rrugë të mbarë dhe qëndrim e kalim sa më të mirë në vendet e shenjta në Meke dhe Medine.

Para se të bëhej duaja e haxhinjëve, Mulla Junus ef. Ramadani foli për haxhin, rëndësinë dhe historikun e haxhit.

Mulla Junusi pasi përmendi edhe një historik të shkurtër të qytetit të shenjtë Mekës që nga ndërtimi i Qabesë nga ana e Ibrahimit alejhiselam e deri më sot, foli edhe për rëndësinë e Haxhit dhe për kryerjen e shartit të pestë të Islamit.

Në vazhdim Kryetari i Këshillit të Bashkësisë Islame të Gjilani z. Naim ef. Aliu, pasi iu uroj rrugëtim të mbarë dhe qëndrim të rehatshëm në vendete e shenjta dhe me një uratë që Allahu t`ua pranojë haxhin dhe të gjitha lutjet e duatë gjatë ditëve sa qëndrojnë atje, ua bëri edhe Duanë (aminin) 51 haxhinjëve të rinjë që sivjet nga komuna e Gjilanit e kryejnë shartin e pestë të Islamit-Haxhin.

Të përcjellur nga udhëheqësit e tyre Mulla Ilaz ef. Mustafa, dhe Mulla Ilmi ef. Krasniqi, 51 haxhinjët e rinjë gjilanas, së bashku me 14 haxhinjët e komunës së Vitisë për në Meke (Xhide) do të nisen të dielën më 4 shtator./rajonipress/