Fundamenti

Neziri hap ekspozitë personale

/ 1 minutë lexim

Gjilan -Për nder të 100-vjetorit të pavarësisë së Shqipërisë, piktori Kadri Neziri ka hapur ekspozitën e tij personale në Galerinë e Arteve në Gjilan, që përkon edhe me ditën e çlirimit të Gjilanit.

Pikturat e tij janë të realizuara në teknikën gur i shtypur dhe vaj. Ai njihet për pikturat që i bën me gurët e vendlindjes.

Mobi Casa

Piktori Zejnullah Zejnullahu ka thënë se Neziri u ka dhënë mundësinë dashamirëve të artit pamor që t`i shohin 33 punime të nukura, derisa Bujar Haziri, zyrtar në Drejtorinë për Kulturë të Gjilanit, ka thënë se Neziri, i cili merret me art që nga viti 1975, është autor i 67 veprave artistike.

Për veprat e Kadri Nezirit ka folur kritiku Avni Rudaku, i cili ka thënë se në artin e këtij piktori shquhen tradicionalja dhe modernia, por që më shumë vërehet një prirje nga rikthimi te tradicionalja. Ekspozita do të jetë e hapur shtatë ditë në Galerinë e Arteve në Gjilan../rajonipress/