New Yorku kundër komenteve anonime

Të dy dhomat e përfaqësuesve të shteti federal të New Yorkut kanë pranuar për miratim propozimin e ligjit të ri i cili do të ndalonte komentimet anonime në Internet.

Kështu, për web faqet e bazuara në shtetin e New Yorkut, qoftë blogë, forume, rrjete sociale, dhe të tjera në të cilat mund të postohen komente do të ishte e obligueshme që shfrytëzuesit të identifikohen me emër dhe mbiemër të plotë.

Sipas propozimit të ligjit i cili ka për qëllim të mbrojë shfrytëzuesit në Internet nga sulmet verbale anonime të komentatorëve, personi për të cilin bëhet komenti ka të drejtë të dijë se kush qëndron prapa tij. Po kështu edhe administratorët do të ishin të obliguar që të largojnë postet e komentuesve anonimë përveç nëse zotohen që do të shtojnë emrin dhe mbiemrin e tyre në post, raporton Koha.net.

Të gjithë administratorët e web faqeve do të duhet të japin edhe një e-mail adresë ose numër telefoni në të cilin do të pranojnë kërkesat për largim të postimeve anonime.

Shpërndaje.
© RAJONIPRESS