New York: Liri Berisha nderohet me çmimin “Road Map 2012”

New York – Puna e presidentes së fondacionit “Femijët shqiptarë”, zonjës Liri Berisha, nderohet me çmimin vjetor Road Map 2012.

Modeli i Shqipërisë në drejtim të ndërgjegjësimit dhe trajtimit të fëmijëve me autizëm ka marrë vlerësime maksimale në takimin e pestë vjetor të organizatës “Autism Speaks” në New York, raporton BW.

Në mënyrë të veçantë është vlerësuar puna e zonjës Liri Berisha, Presidente e fondacionit “Fëmijët shqiptarë”, e cila në këto 4 vitet e fundit ka investuar duke ngritur kapacitetet për diagnostikim, trajtim dhe trajnime në fushën e Autizmit.

Ndërkohë zonja Berisha është nderuar nga Federata e Shoqatave Ballkano-Amerikane me çmimin vjetor Road Map 2012 “Për mbështetjen e saj të vazhdueshme dhe kontributin për formëzimin e gruas në shoqëri”.

Në fjalën e saj znj. Berisha theksoi se të gjitha gratë shqiptare kanë qenë avokate aktive të paqes dhe se ato ndajnë gjakun dhe zemrën e Nënë Terezës.