Nevzati: Nuk merrem me konferencat vajtuese të LDK-së, i sqarohem vetëm publikut

Gjilan – Nuk e kemi në plan të merremi me konferencat e vajtimit të LDK-së, siç nuk jam marrë asnjëherë me vajtime, madje edhe kur kam qenë pjesë udhëheqëse e LDK-së. Po të isha në vend të anëtarëve të komisionit të LDK-së mua personalisht do t’më vinte turp të përmendja fjalën korrupsion, sepse ata vet e dinë shumë mirë nga sa euro ia kanë kërkuar kandidatëve për t`i punësuar në arsim apo çdo kund tjetër në komunë , derisa kjo dukuri asnjëherë të vetme nuk ka ndodhë në mandatin e PDK-së ka thënë në reagimin e tij Bujar Nevzati drejtor i arsimit në Gjilan.

Bujar Nevzati nuk i ka “duruar” akuzat e paqëndrueshme të komisionit për arsim të LDK-së në Gjilan të cilët në një konferencë për medie e quajtën gjendjen në arsimin gjilanas si të mjerueshme dhe me shumë defekte.

Nevzati tha për rajonipress se nuk e ka në plan të merret me konferencat e vajtimit të LDK-së, siç nuk jam marrë asnjëherë me vajtime, madje edhe kur kam qenë pjesë udhëheqëse e LDK-së. “Po të isha në vend të anëtarëve të komisionit të LDK-së mua personalisht do t’më vinte turp të përmendja fjalën korrupsion, sepse ata vet e dinë shumë mirë nga sa euro ia kanë kërkuar kandidatëve për t`i punësuar në arsim apo çdo kund tjetër në komunë , derisa kjo dukuri asnjëherë të vetme nuk ka ndodhë në mandatin e PDK-së ” ka thënë në reagimin e tij Bujar Nevzati drejtor i arsimit në Gjilan.

Nevzati tha se gjithmonë jam marrë me angazhime dhe veprime konkrete. “Megjithatë qytetarët e Gjilanit e dinë mirë, mjerimin e udhëheqjes së arsimit në kohën e LDK-së”. Nevzati thotë se ata të LDK-së i kanë para hunde anëtarët e devotshëm të partisë të cilët madje i kanë marrë para të majme për punësim dhe nuk ju vije turp të dilni para publikut dhe të akuzoni dikë tjetër për korrupsion.

Megjithatë Nevzati thotë se e ndien obligim të komunikojë me publikun gjilanas për të arriturat në arsimin e komunës. Nevzati tha se edhe në këtë vit DKA-ja ka bërë organizimin e garave në të gjitha lëmit mësimore dhe ato sportive, ku më pas nxënësit të cilët kanë arritur rezultate janë shpërblyer nga DKA.

Rezultatet e arritura dhe faktet pozitive në arsimin gjilanas sipas Nevzatit janë Kuizi “Europa” vendi i parë në republikën e Kosovës, Sh.f. “Thimi Mitko”, vendi i I-rë në Kolegjin “Memet Akif” në lëndën e Kimisë, vendi i I-rë në Kolegjin “Memet Akif” në lëndën gjuhës angleze, klasa IX-të, vendi i I-rë në Kolegjin “Memet Akif” në lëndën gjuhës angleze, klasa VIII-të, vendi i II-të në garat Kombëtare në Matematikë, vendi i II-të në Piano në festivalin e 17-të Mbarëkombëtar, garat në Basketboll vendi i I-rë në nivel Republikan, garat në Karate vendi i I-rë në Ulqin, DKA-ja nxënësen më të mirë të vitit e ka shpallur Dorentina Sylejmani, kampione e trefishtë.

Nevzati ka përmendur edhe të arriturat tjera në vitin 2012. “Në mbarim të vitit shkollor DKA-ja ka bërë shpërblimin e punëtorëve të dalluar të vitit shkollor 2011-2012, nga secila shkollë ka ndarë nga një shpërblim për punëtorët e zgjedhur. Në qershor të këtij viti në bashkëpunim me Kryetarin e Komunës dhe drejtorët e shkollave të mesme është marr vendim që numri i nxënësve të regjistruar në klasën e X-të të mos e tejkaloj numrin 35 në paralele. Në qershor është organizuar dhe mbajtur testi i Maturës Shtetërore, shkollat e mesme kanë arritur këtë rezultat : prej 2210 të cilët janë nënshtruar testit kanë kaluar 1183 ose 53.53 %, ndërsa në afatin e gushtit rezultati në nivel komunal është 85.58 %.

Në korrik është mbajtur Testi i Arritshmërisë dhe Komuna e Gjilanit ka arritur këtë rezultat: në test kanë hyr 1839 nxënës ku kanë arritur një mesatare prej 65.22. Regjistrimi i nxënësve në klasën e parë në këtë vit është bërë me sistemin online duke i respektuar kriteret e regjistrimin dhe ndarjes : sipas alfabetit, sipas gjinisë, numrit te barabartë në klasa, rajonizimit. Është bërë regjistrimi i fëmijëve në çerdhe dhe parashkollor. Gjatë vitit 2012 janë zgjedhur 16 drejtor, dhe një zv drejtor.

Sipas Nevzatit për fillimin e vitit të ri shkollor 2012-2013, të gjitha objektet shkollore janë përgatitur teknikisht : gëlqerosje sipas nevojës janë shtruar dysheme,janë rregulluar nyje sanitare, dyer, dritare etj. Gjithashtu në fillim të vitit Shkollat janë kompletuar me staf edukativo-arsimor, numri i mësimdhënësve të pranuar në konkursin e gushtit është 104 punëtor arsimor,dhe nuk kemi pasur asnjë ankese nga konkurrentet.

Edhe në këtë vit shkollor është bërë shpërndarja e teksteve shkollore falas, prej
klasës I-V janë shpërndarë 100% tekstet e reja kurse nga klasa VI-IX 60% e teksteve të reja kurse pjesa tjetër është huazuar nga viti i kaluar. Vlen të theksohet se me fillimin e vitit te ri shkollor qytetit të Komunës së Gjilanit ju shtua një shkollë fillore e re, në lagjen e II , ku në inaugurimin e kësaj shkolle i pranishëm ishte edhe Ministri i Arsimit Ram Buja . Objekti i shkollës së mesme bujqësore “Arbëria” në Zabel është përfunduar dhe nxënësit e kësaj shkolle pritet të fillojnë mësimin në Gjysmëvjetorin e dytë.

Gjatë periudhës 2008-2012 nxënësve të komunës se Gjilanit iu janë shtuar 20.000 m2 hapësirë shkollore, që nga 4 e 3 ndërrime janë kthyer në dy ndërrime në shumicën e shkollave. Të gjitha Institucionet në këtë vit janë pajisur me lëndë djegëse : dru dhe naftë.

Gjatë vitit 2012 janë Organizuar trajnime të mësimdhënësve, drejtorëve të shkollave dhe zyrtarëve të DKA-së. Në bashkëpunim më GIZ-in, dhe MASHT-in janë organizuar trajnimi i mësimdhënësve klasor për lëndën e Matematikës , mësimdhënësit lëndor në lëndët e shkencave të natyrës, është organizuar trajnimi i Drejtoreve dhe zyrtarë të arsimit dhe janë pajisur me certifikatën për Udhëheqje arsimore.

Nevzati e ka bombarduar komisionin e LDK-së duke ia përkujtuar se Drejtoria e Arsimit në Gjilan, nga Ministria e Arsimit veçohet si e para në nivel Republike në këto aktivitete : Me kompletimin e dosjeve të punëtorëve për Licencim, krijimi i kushteve për fëmijë me nevoja të veçanta, me decentralizimin e shkollave në buxhet, me bashkëpunim me donatorët e jashtëm./rajonipress/