Nevzadi: Emërtimin e institucioneve e bënë Kuvendi Komunal, jo partitë politike

Gjilan – Veton Nevzadi drejtor për kulturë, rini e sport tha për rajonipress se nuk ka asgjë kundër emrave që janë propozuar për stadiumin e qytetit të Gjilanit, por vendimet për emërtimin e institucioneve i vendos Kuvendi Komunal e jo partitë politike apo OJQ.

Veton Nevzadi duke folur për disa propozime e dëshira të individëve e partive të vogla rreth emrit të stadiumit të qytetit të Gjilanit thotë për rajonipress se vendimet për emërtimin e institucioneve nuk janë kompetencë e partive politike, grupeve apo e individëve të ndryshëm. “Propozimet vijnë ndërsa emërtimi, sikurse çdo emërtim tjetër të institucioneve e bënë Kuvendi Komunal i Gjilanit” sqaron Nevzadi.

Kreu i kulturës në Gjilan thotë se ne do t`i procedojmë propozimet e tilla nëpër mekanizmat e Kuvendit komunal , pastaj është çështje e institucioneve vendimmarrëse se si do ta trajtojnë këtë çështje. Unë nuk kam asgjë kundër emrave të propozuar, por mbi të gjitha duhet të respektohet rendi dhe hierarkia institucionale rreth këtyre propozimeve tha Nevzadi./rajonipress/