Nevoja për ujë të pijshëm!

Nga Ujmir Krasniqi – Duke e parë gjendjen alarmante për ujë të pijshëm në vendin tonë që dita e ditës është duke u përkeqësuar edhe më shumë në mungesë të reshjeve të pakta, duhet që t`i kushtojmë sa më shumë rëndësi përdorimit të tij.

Edhe në Kosovë, si në shumë vende të botës, shëndeti i njeriut dhe plotësimi i nevojave të tij është gjithnjë e më tepër i kërcënuar nga cilësia jo e mirë dhe mungesa e ujit të pijes ose mungesa e ujërave të pastra.

Sipas të dhënave rreth 80 % e popullatës së Kosovës, furnizohet me ujë nga ujësjellësit publik, ndërsa rreth 60 % e popullatës ka qasje në rrjetin publik të kanalizimit.

Duhet t`i marrim të gjitha masat e mundshme për kursimin e ujit që nesër të mos vijë deri te paraqitja e ndonjë epidemie apo sëmundje të cilat shfaqen nga mungesa e ujit ose nga papastërtia e tij, duke e ditur se këto sëmundje janë më të rrezikshme se sa sëmundjet tjera, pasi që trupi i njeriut përmban 65-70% ujë.

“Nëse nga ajri i ndotur sëmuren mushkëritë, atëherë nga mungesa e ujit sëmuret i tërë trupi”!!