Nëse nuk shitet PTK-ja, rruga për Shkup nuk ndërtohet

Rritja ekonomike në Kosovë për vitin 2013 do të jetë rreth 3 për qind, rruga për Shkup vështirë se mund të ndërtohet po nuk u privatizua PTK-ja ndërsa zgjedhja e Guvernatorit nga radhë e një parti nuk është ndonjë risi por ai duhet ta ruaj pavarësisë e këtij institucioni. Kështu është shprehur të hënën, udhëheqësi i misionit të FMN-së, Johannes Wiegand.

Ndër të tjera u fol edhe për buxhetin, për përfitimet e veteranëve të luftës, ku u tha se pas verifikimit të tyre do të merren të gjitha vendimet, ngase numri i aplikative po del të jetë shumë më i madh se që është menduar.

Johannes Wiegand ka thënë se kanë diskutuar rregullën fiskale me të gjitha partitë, përfshirë edhe opozitën. Sa i përket rritjes ekonomike, ai ka thënë se, për vitin 2013, do të ketë rreth 3 për qind, rritje kjo, edhe pse e ulët, është e qëndrueshme. “Parashikimet tona për rritje ekonomike për vitin 2013 janë rreth 3 për qind. Këto nuk janë rritje si në 2010 apo 2011, por kjo ndodh për shkak të krizës ekonomike në botë dhe natyrisht që Kosova nuk është krejtësisht e izoluar. Ne parashohim një rritje të tillë në 2013, por më duhet të them se rritja ekonomike e Kosovës është ende shumë më e lartë se e vendeve të tjera të rajonit por të vendeve të tjera të Evropës dhe mendojë që ka shumë pak vende që kanë arritur rritje 3 për qind”, ka thënë ai.

Sipas tij, me mos privatizimin e PTK-së, do të kishte vështirësi të mëdha për ndërtimin e rrugës Prishtinë-Shkup. “Ka plane kontingjente në buxhet që parashohin reduktime në disa shpenzime në rast se nuk shitet PTK-ja dhe në mënyrë specifike, alokimet në rrugën 6 janë të lidhura me një nivel të bilancit bankar. Pra, rruga për Shkup dhe ky bilanc bankar mund të arrihet vetëm nëse privatizohet PTK-ja. Mendojë që Qeveria ka marr masat e kujdesit në rast se nuk shitet PTK-ja në mënyrë që buxheti të jetë në rrugën e duhur”, theksoi Wiegand.

Ndërsa për zgjedhjen e Guvernatorit të BQK-së, ai ka thënë se është mirë që brengoset populli kur ai vjen nga parti në pushtet, por nuk e quan risi këtë gjë. “Kjo është një praktikë standarde dhe ka ndodhur edhe Gjermani, por është me rëndësi që ai të vendos pavarësinë e Bankës Qendrore dhe tua komunikojë atë publikut”, tha ai.

Në anën tjetër, zëvendësministri i Financave, Ramadan Avdiu ka thënë se për këtë vit janë planifikuar taksa të reja. Ai ka thënë është krijuar një ekuilibër i mirë mes të hyrave dhe shpenzimeve dhe se ka qëndrueshmëri makroekonomike dhe makrofiskale.

Ndërsa Gani Gërguri, guvernatori në përfundim të mandatit të tij, ka thënë se sa i përket sektorit financiar janë të përkushtuar që të rrisin edhe më shumë sigurinë e depozitave në sektorin financiar, më saktësisht në atë bankar.

Ai ka thënë se është bërë disbursimi i pjesës më të madhe të kredisë nga FMN-ja që në total për vitin e kaluar ka qenë 94 milionë euro. /Telegrafi/