Nëse ngrihemi si dy shtete, jemi dy shtete të ndarë: Nëse ngrihemi së bashku, jemi një shtet shqiptar

Nga Arben Kurteshi – Kur e pyetën ish-presidentin rus Gorbatschow në fillim të vitit 1990 se kur mund të bashkohen dy Gjermanitë, ai tha se duhet të presin minimum edhe 100 vite; Gjermanitë u bashkuan vetëm disa muaj më vonë!

Nëse ne besojmë se bashkimi i Shqipërisë me Kosovën varet nga jashtë, atëherë ai do të varet nga kushtet dhe rrethanat nga jashtë, dhe ato rrethana do të na shtyjnë si dallgët e detit në drejtimin që duan! Nëse bashkimi është ideal dhe vizion i yni dhe ne besojmë se bashkimi varet vetëm nga vullneti ynë, atëherë varet vetëm nga ne, dhe vetëm ne mund t’i bashkojmë dy shtetet tona!

Bashkimi nuk mund të ndodhë kurrë nëse ne jemi të gatshëm të tregtojmë me vendin, t’u falim toka apo edhe nëse ne sanksionohemi nga miqtë tanë; por vetëm bashkërisht me ta.

Të punojmë për të krijuar një ambient të përbashkët politik, ekonomik dhe kulturor që forcon besimin dhe inkurajon popullin për krijimin e një baze të shëndoshë dhe të qëndrueshme për bashkimin e dy shteteve tona. Kjo përfshin forcimin e institucioneve demokratike, zhvillimin e ekonomive tona dhe promovimin e një identiteti të përbashkët kombëtar. Vetëm duke vepruar së bashku, me vendosmëri dhe vizion të qartë, mund ta realizojmë këtë aspiratë të madhe kombëtare.

Nëse ne e pikturojmë bashkimin e dy shteteve në kokat tona sot, sikur dikur lirinë, ai do të ndodhë edhe më shpejt se bashkimi i dy Gjermanive!