Hidromorava

Në vitin 2002 kishte plan për arrestimin e Ali Ahmetit

/ 1 minutë lexim

Kryetari i partisë politike “Dinjiteti” në Maqedoni dhe ish-gjenerali i njësitit “Tigrat” të MPB-së gjatë konfliktit të vitit 2001, Stojançe Angelov ka theksuar se në vitin 2002 ka pasur plan për arrestimin e Ali Ahmetit dhe bashkëpunëtorëve të tij.

Në emisionin “Presing” në televizionin “Alfa”, Angelov ka thënë se plani i arrestimit do të bëhej menjëherë pas zgjedhjeve të shtatorit të vitit 2002 dhe nëse në pushtet do të mbetej VMRO-DPMNE.

RCCOLA

“Ka pasur plan dhe informacione për arrestimin e disa personaliteteve udhëheqëse të BDI-së dhe sidomos Ali Ahmetit. Atëherë, nëse VMRO-DPMNE do të mbetej në pushtet do të kryente arrestimin e atyre që kishin dhënë urdhra. Për ish-pjesëtarët e tjerë të UÇK-së, më pas do të mund të flitej për rehabilitimin e tyre”, deklaroi Angelov, i cili aktualisht është drejtues i “Dinjitetit” një shoqata e veteranëve maqedonas të luftës që u shndërrua në parti politike dhe që i takon krahut opozitar në Maqedoni kur politikave të kryeministrit Nikola Gruevski.