Në Viti kërkohet shtimi i masave të kontrollit

Viti – Komiteti Komunal për Mbrojtje dhe Shpëtim i Komunës së Vitisë (KKMSH) me interesim të shtuar po e përcjellë gjendjen epidemiologjike, pas shtimit të rasteve dhe përhapjes edhe në vatra të reja.

Në mbledhjen e rregullt te KLMSH-së, kryetari Sokol Haliti, ka kërkuar shtim të kontrollit për të siguruar zbatimin e masave të reja të Qeverisë së Republikës së Kosovës. Përfaqësuesit e Policisë së Kosovës thanë se po e përcjellin gjendjen në koordinim edhe me Inspektoratin.

Përndryshe po vazhdojnë masat tjera për zbutjen e gjendjes sociale të familjeve në nevojë, përmes pakove ushqimore emergjente të Komunës së Vitisë. Janë mbështetur edhe familjet e prekura me Covid-19, që kanë pasur nevojë.

Ndërkohë po vazhdon dezinfektimi dhe klorifikimi i objekteve dhe hapësirave publike, por edhe i lokacioneve dhe pronave të familjeve të prekura./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).