Në Viti fillon vaksinimi i kafshëve kundër sëmundjes gungore të gjedhit

Viti – Njoftim nga Drejtoria e Inspeksionit të Komunës së Vitisë lidhur me vaksinimin e kafshëve kundër sëmundjes gungore të gjedhit.

Nga sot (17.09.2016), ka filluar fushata e vaksinimit kundër LSD-së (sëmundjes gungore të gjedhit ). Kjo vaksinë është FALAS, andaj luten të gjithë qytetarët që të kenë mirëkuptim, sepse vaksinimi do të bëhet duke filluar nga fshatrat që janë më të prekura nga kjo sëmundje. Gjithashtu ju njoftojmë se ato kafshë që marrinë këtë vaksinë për 7 ditë rresht nuk lejohet konsumi i mishit, por konsumi i qumështit është i lejuar thotë Skender Ahmeti drejtor i inspeksionit në Viti.

Po ashtu kafsha nga çasti i marrjes së vaksinës fiton përsëri imunitetin e saj në një periudhë prej 14-21 ditë, pas 21 ditëve nga dita e vaksinimit krijohet imuniteti i plotë. Po ashtu ju bëjmë thirrje për kujdes, pasi që kafshët të cilat e kanë virusin brenda organizmit gjenden në periudhën e inkubacionit. Në momentin e vaksinimit mund të shfaqën edhe shenja klinike, andaj mbetet përgjegjësi e juaj se a dëshironi të vaksinonin apo jo kafshët tuaja ka thënë Skender Ahmeti Drejtor i Inspeksionit, Komunal në Viti./rajonipress/