Në Viti është shënuar Dita botërore kundër kancerit

Viti – Të enjten në Viti është shënuar 4 Shkurti- Dita Botërore e luftës kundër kancerit, me një ligjëratë, e cila është mbajtur nga Nazim Dauti-Radiolog në QKMF-Viti.

Ai ka folur për statistikat botërore, ku thuhet se kanceri është një nga shkaqet kryesore të vdekjes sot në botë, sidomos në vendet në zhvillim, ku parashihet që deri në vitin 2030 do te ketë 13.1 milionë të prekur nga kjo sëmundje.

Në ditën botërore kundër kancerit, organizatat e shëndetësisë bëjnë apel për më shumë kontrolle, pasi 1.5 milionë jetë mund të shpëtohen çdo vit nëse merren masa të rëndësishme për të luftuar kancerin.

Në këtë takim u tha se kanceri i gjirit, i cili pas kancerit të mushkërive, është shkaktari më vdekjeprurës./rajonipress/