Në Viti diskutohet për të drejtat e personave me aftësi të kufizuara

Viti – Organizatat si Caritas Kosova, Handikos dhe Qendra Kosovare për Vetë-Përkrahje të mbështetur nga Bashkimi Evropian kanë mbajtur sot një takim në mes të këtyre organizatave, familjeve të personave me aftësi të kufizuara si dhe përfaqësuesve të Institucioneve Komunale të Vitisë.

Në këtë takim është diskutuar për rolin e bashkësisë në rritjen e ndërgjegjësimit të shoqërisë për një trajtim të barabartë të personave me aftësi të kufizuara si dhe të drejtat e tyre si çështje e të drejtave të njeriut.

Në këtë takim është folur edhe për vështirësitë me të cilat hasën këta persona në jetën e përditshme përfshirë këtu mungesën e qasjes së personave të hendikepuar në objekte institucionale.

Ndërkaq Ibadete Hyseni, Koordinatore e të Drejtave të Njeriut në Viti duke folur për angazhimin e komunës për këtë kategori theksoi se këtyre ditëve është formuar Komiteti për personat me aftësi të kufizuara. /rajonipress/