Në Viti arrestohet grabitësi, në Gjilan vetëdorëzohen armë

Gjilan- Policia e Kosovës ka njoftuar se në rrugën “Dëshmorët e Vitisë”, më 17 shkurt 2013 kishte ndodhur një grabitje. Në lidhje me rastin raportohet se më 15 prill 2013 është arrestuar i dyshuari mashkull shqiptar dhe i njëjti pas intervistimit është dërguar në mbajtje.

Ndërkaq sipas policisë në fshatin Gumnishtë e Epërme, të Gjilanit më 15 prill 2013 i dyshuari mashkull shqiptar pas një mosmarrëveshjeje (fyerje përmes telefonit) me një banor lokal, i njëjti ka vetëdorëzuar një pushkë automatike AK-47 kalibrit 7.62 mm dhe një karikator me shtatë fishekë të të njëjtit kalibër.

Sipas policisë arma është konfiskuar ndërsa në konsultim me prokurorin rasti shkon në procedurë të rregullt./rajonipress/