Në spitalin e Gjilanit kryhet edhe një operim i rrallë
Gjilan – Kirurgu Milaim Kosumi për herë të parë në Kosovë përmes llaparoskopisë ka kryer një intervenim të rrallë tek pacienti Ikmet Emini i cili ka pasur komplikime me herrni (bruhi).
Në spitalin rajonal të Gjilanit është kryer edhe një operacion i rrallë i cili ka rezultuar me sukses. Kirurgu Milaim Kosumi i ndihmuar edhe nga kolegët e tij dhe ekipi, ka kryer një operim përmes llaporaskopisë tek pacienti Ikmet Emini i cili ka pasur probleme dhe komplikime me herrni, në popull e njohur si bruhi.
Kosumi tha për rajonipress se ky operacion është bërë për herë të parë në Kosovë ndërsa ka falënderuar drejtorinë e spitalit për përkrahje si dhe kompaninë Covidienin për përkrahje në material dhe instrumente.
Kosumi tha ase gjendja e pacientit është shumë e mirë derisa e ka quajtur sukses të madh këtë ndërhyrje operative edhe për të po edhe për spitalin e Gjilanit./rajonipress/