UBT

Në Skifteraj u përkujtua dëshmori Kenan Halimi dhe u shënua dita e shkollës

/ 1 minutë lexim
Uji Dea

Viti – Në përvjetorin e 25-të të rënies së dëshmorit Kenan Halimi, Institucionet komunale të Vitisë, përfaqësues nga Organizatat e dala nga lufta e UÇK-së, familjarë si dhe mysafirë të tjerë kanë bërë homazhe dhe kanë vendosur kurora lulesh, tek varri i dëshmorit Kenan Halimi, në oborrin e shkollës në Skifteraj.

Po ashtu, me një manifestim kulturo artistik, është shënuar dita e shkollës, e cila mbanë emrin e këtij dëshmori, ku me një fjalë rasti të pranishmit i ka përshëndetur zv.kryetari Hasan Aliu, ndërsa në emër të Shoqatës së Familjeve të Dëshmorëve foli kryetari i kësaj organizate Xhevdet Ademi. Për të arriturat, rezultatet dhe historikun e shkollës foli drejtori Eshref Sadiku.

Fundamenti

Kurse veterani i arsimit Zjadin Sylejmani, që jeton në Shkup, shkollës i dhuroi një panë me figurat më emblematike të kombit shqiptar.

Në fund u shfaq edhe një program i pasur me këngë, valle e recital të përgatitura nga nxënësit e kësaj shkolle./rajonipress/