Në Shahiq të Kamenicës përfshihen në përleshje fizike, një femër pëson lëndime trupore

Kamenicë – Në fshatin Shahiq, të Kamenicës pas një mosmarrëveshje në familje, ka ardhur deri te përleshja fizike në mes dy të dyshuarve meshkuj dhe viktimës femër, ku si pasojë lëndime trupore ka pësuar viktima dhe e njëjta ka pranuar tretman mjekësor.

Gjatë kontrollit në shtëpinë e tyre si provë materiale është gjetur dhe konfiskuar një pistoletë. Palët janë intervistuar dhe me vendim të prokurorit janë liruar në procedurë të rregullt hetimore njoftoi policia e Kosovës./rajonipress/