Në Rogaqicë ndërtohet objekti i ri i Qendrës së Mjekësisë Familjare

Gjilan – Kryetari i komunës së Kamenicës Shaip Surdulli, ka falënderuar përfaqësuesit e kësaj organizate, që kanë përzgjedhur komunën e Kamenicës për ndërtimin e një objekti shëndetësor . Vlera e kontratës së këtij objekti shëndetësor është 120 mijë euro transmeton rajonipress.

Rreth 120 mijë euro është vlera e projektit për ndërtimin e objektit të ri në Rogaqicë të Kamenicës për nevojat e Qendrës së Mjekësisë Familjare (QMF).

Për të konkretizuar këtë projekt kreu i komunës së Kamenicës Shaip Surdulli, ka pritur të mërkurën drejtorin e organizatës” Kosova për Ndihmë dhe Zhvillim”, Rachid Djaroum dhe Shaqir Kqikun, përgjegjës për projektet e ndërtimit nga kjo organizatë.

Surdulli tha për rajonipress se qëllimi i këtij takimi ishte nënshkrimi i marrëveshjes për ndërtimin e një objekti të Qendrës së Mjekësisë Familjare ( QMF ) , në fshatin Rogaçicë.

Rachid Djaroum, ka thënë se kjo organizatë është organizatë bamirëse, e cila përkujdeset për projekte të ndryshme bamirëse që përfitojnë nevojtarët. Ai ndër të tjera tha se kjo organizatë, përveç projekteve të ndërtimit realizon edhe projekte edukative, sociale e zhvillimore nëpër shumë vende të ndryshme të botës.

Kryetari i komunës së Kamenicës Shaip Surdulli, ka falënderuar përfaqësuesit e kësaj organizate, që kanë përzgjedhur komunën e Kamenicës për ndërtimin e një objekti shëndetësor .Vlera e kontratës të këtij objekti shëndetësor është 120 mijë euro.

Surdulli tha se kjo qendër u ndihmon shumë banorëve të Rogaqicës që janë një komunitet shumë i madh dhe që e kanë merituar këtë donacion. “Ne po mundohemi që në të gjitha fshatrat e mëdha të Kamenicës ta përmirësojmë jetën dhe mirëqenien e banorëve tanë duke ofruar shërbime dhe përkujdesje të duhura sociale e shëndetësore” tha Surdulli./rajonipress/