Në prill fillojnë zgjedhjet e këshillave lokale në Kamenicë

Gjilan – Anëtarët e komisionit për organizimin e zgjedhjeve të këshillave lokale, në lokalitetet e Komunës së Kamenicës, sot kanë mbajtur takimin e dytë konsultativ rreth organizmit të këtyre zgjedhjeve me përfaqësuesit e LOGOS-it.

Fisnik Kastrati, anëtarë i komisionit komunal nga ekzekutivi, tha se janë bërë të gjitha përgatitjet e nevojshme për organizimin e zgjedhje të këshillave lokale.

Sipas tij, zgjedhjet do të fillojnë nga 1 prilli dhe do të përfundojnë me 21 prill, për zgjedhjen e 25 këshillave në territorin e Komunës së Kamenicës.

Ndërkaq, Artor Sejfija, konsulent nga LGOS-i, ka thënë se LOGOSI, do të përgatit materialin informues për mbajtjen e këtyre takimeve, si dhe të asistojë gjatë zgjedhjeve të këshillave lokale.

Gjatë këtij takimi u diskutua për materialet dhe u ndanë detyrat dhe përgjegjësit. Materialet informuese do të bëhen përmes zyrës së informimit dhe sekretarit të kuvendit , këto materiale do të publikohen nga 15.03.2013, në web faqen e komunës si dhe do të vendosen njoftimet në qytet dhe në të fshatrat e komunës së Kamenicës./rajonipress/